Aghaidh ar an Áise

Tá fás ollmhór tagtha ar mhargaí na hÁise le blianta anuas agus meastar nach fada go mbeidh an tSín mar phríomhgheilleagar na cruinne. Tá seimineár i nGaeilge á reáchtáil ag Údarás na Gaeltachta, i gcompháirtíocht le Asia Matters, ar líne ar an 11 Nollaig 2020 le léargas a thabhairt ar na deiseanna atá ar fáil sa mhór-roinn fíor-thábhachtach seo d’fhiontraithe agus do chomhlachtaí na tíre. Roinnfidh na cainteoirí, a bhfuil saintaithí acu ar mhargaí agus ar shaol na hÁise, a dtaithí agus a gcomhairle ag an seimineár ar líne. Táthar ag súil go spreagfaidh an ócáid seo fiontraithe agus comhlachtaí le súil a thabhairt soir ar an gcianoirthear agus deiseanna fáis agus forbartha sna blianta amach romhainn a aithint agus a thapú.

Ar chuid de na cainteoirí a bheidh i láthair, tá:

Martin Murray, Stiúrthóir, Asia Matters

Alan Dukes, Cathaoirleach, Asia Matters

Ross Curran, Comhairleoir Sinsearach Margaidh, Enterprise Ireland

Declan McFadden, Comhairleoir Margaidh neamhspleách san Áis

Micheál Ó Conghaile, MD, MUFG

Kevin English, Príomhailtire IT, Dynamic-GRC

Siobhán Ní Chofaigh, CEO Mint Tek

Pól Ó Coimín, CEO Telegael

Noreen Breathnach, Oifigeach Forbartha Fiontraíochta, Údarás na Gaeltachta