Ceardlann ar an Scéalaiocht Thraidisiúnta

Traditional Storytelling Workshop through Irish

Cad é an caitheamh aimsire is sine in Éirinn? Ag insint scéalta! Sa cheardlann seo, foghlaimeoidh tú faoi chúlra na scéalaíochta béil agus conas an béaloideas a cheangal le téamaí comhaimseartha ó Ailbe agus Stiofán. Is coimeádaí i gCnuasach Bhéaloideas Éireann í Ailbe van der Heide agus is scéalaí ar an modh traidisiúnta é Stiofán Ó Briain.

Clár Deireadh Seachtaine

Dé Sathairn, 11 Aibreán

• Ceardlann Filíochta le Ciara Ni É 11:00-13:00
• Ceardlann ar an Scéalaiocht Thraidisiúnta 14:00-16:00
• An Cluiche Snatch - Comórtas Draig Grinn 20:00-22:00

Dé Domhnaigh, 12 Aibreán

• Ceardlann ar an Amhránaíocht ar an Sean-Nós le Séamus Ó Flatharta 12:00-14:00
• Cum Amhrán le Sexy Tadhg 14:30-17:00
• Tar ag damhsa ó Éirinn go dtí an Bhrasaíl! 18:00-21:00

Roghanna maidir le Ticéid

Is cuid é an t-imeacht seo de chlár dhá lá ina mbeidh 6 imeacht san iomlán (3 cinn Dé Sathairn, 11 Aibreán, agus 3 cinn eile Dé Domhnaigh, 12 Aibreán). Is féidir €10 a íoc as an imeacht aonair seo nó is féidir an Pas Deireadh Seachtaine (€50) a cheannach, rud a ligfidh duit freastal ar imeachtaí uile AerachAiteachGaelach i gcaitheamh an deireadh seachtaine.

Má tá sé i gceist agat freastal ar chúpla imeacht le AAG, gheobhaidh tú an luach is fearr ar an bPas Deireadh Seachtaine.

Mar gheall ar an gcaoi a n-oibríonn Eventbrite, tá an Pas Deireadh Seachtaine liostáilte mar imeacht Eventbrite ar leith.

Tabhair do d'aire: Má cheannaíonn tú an Pas Deireadh Seachtaine, ní gá duit aon ticéad eile a cheannach le haghaidh imeachtaí aonair AAG, tharla go bhfuil imeachtaí uile AAG ar fad san áireamh sa phas. Tá lascaine 20% ar fáil le haghaidh bhaill de chuid AerachAiteachGaelach.

**Is trí mheán na Gaeilge a chuirfear gach imeacht ar siúl. Beidh an damhsa ar siúl i nGaeilge agus i bPortaingéilis.